燒肉酒場 (已結業)

最後係網上面見到有好多人去呢一間燒肉酒場食燒肉，我自己就比佢一個圓拱嘅燒烤爐吸引咗，講真真係未見過🤣我自己都好好奇究竟啲肉會唔會一路燒一路跌落嚟，結果當然係唔會啦🤣🤣今日散叫咗幾碟肉，而呢一間餐廳其實係最主打食羊肉嘅～不過因為我朋友唔食羊肉，所以我就淨係自私叫咗一碟蒙古羊肉卷$78👍呢度嘅肉望落紅卜卜好新鮮，而我自己本來都好怕羊肉會好羶，點知一啲羶味都冇喎🤣👍覺得幾唔錯，下次再嚟都會叫呢一碟🤤跟住就叫咗一碟柚子雞腿肉，柚子味唔會話超重，但係會食到淡淡的柚子香，唔會蓋過雞肉嘅味道，而且仲有雞皮連住，燒香左確實係會加分😋因為覺得淨係食燒肉會唔夠飽，所以就叫咗一碗溫泉蛋肉燥飯share嚟食，溫泉蛋嘅蛋黃好香，撈埋黎食令個飯唔會好dry，肉燥分量好多，令到每一啖飯都食到啖啖嘅肉燥上網見到啲人推介要飲呢一杯水果燒灼$58，入面有檸檬柚子同埋橙，餐廳係將呢三種水果雪成冰，在直接加入燒灼入邊，咁就可以唔使加冰，唔會溝淡咗啲酒👍一開頭飲到淡淡的果皮香，等啲水果溶左冰之後，再用飲筒督啲果肉，又會多咗啲果味😋👍