張生記 (已結業)

我地收工一行七人去左銅鑼灣既張生記食個飯，平時我地比較少食杭州野，不過既然係老闆請，當然要食盡佢！呢間係高級既餐廳黎，個門口霸氣到我地既班圍頭佬目瞪口呆。我呢新界人唔識野，原來呢間張生記既歷史好悠久。同事話佢地既招牌就係老鴨煲，成千蚊既鴨真係第一次食，入面有筍乾、上等金華火腿等等，跟住又煲左成四粒鐘，但係咁樣隻鴨既肉都唔爛仲好好食，少D功夫都做唔到咁好，果種幸福既感覺真係。。令人感動落淚。雖然其他既都好好食，但隻鴨真係太正搶過曬其他菜既風頭。I love duck!