影片
更多
2021-09-25
873 瀏覽
(⁎⁍̴̛ᴗ⁍̴̛⁎) 本家韓國料理｜回頭率極高的韓國醬蟹｜由於太掛住韓國既美食，專登去位於尖沙咀既本家一嚐正宗韓國料理，佢最出名既就係醬油蟹，基本上每檯都會叫！😍 而我食完就覺得...好值得試！！ 醬油蟹 （$480/2隻）平時都唔係好敢係香港食生蟹，怕唔新鮮，食壞肚皮🤨但係本家既蟹味道十分鮮甜，食得出好新鮮，醬油調味恰到好處，唔會太鹹搶走個鮮味。兩隻蟹都蟹膏滿滿，勁肥美多肉😍 諗番起都好想再食😆另外，即使店家好忙好full, 佢地既韓籍職員都好快過黎幫手撈飯（紫菜飯），真係好似係韓國食緊野咁呀😳😳 值得一讚！燒板腱肉 （$230）我地本身想嗌special menu入面既1++韓牛 （$380），但賣哂😭😭😭 （七點半落order都賣哂😂 真係好旺場）咁$230依個味道正正常常，畢竟唔係韓牛，係澳洲牛，但肉質都係十分新鮮的！同樣地，好快就有韓國職員黎幫我地燒😋 服務真的不錯！值得一提既就係佢地都有好多款小菜，每一碟都好好味，泡菜好夠辣！好少香港韓食會送咁多小菜👍🏻👍🏻總括而言，本家既食物質數都好高，旁邊幾檯都有嗌其他燒饅魚，豬手...望落份量多，十分吸引😋食醬油蟹既話香港首選，加上職員服務
｜回頭率極高的韓國醬蟹｜
由於太掛住韓國既美食，專登去位於尖沙咀既本家一嚐正宗韓國料理，佢最出名既就係醬油蟹，基本上每檯都會叫！😍 而我食完就覺得...好值得試！！
醬油蟹 （$480/2隻）
平時都唔係好敢係香港食生蟹，怕唔新鮮，食壞肚皮🤨但係本家既蟹味道十分鮮甜，食得出好新鮮，醬油調味恰到好處，唔會太鹹搶走個鮮味。兩隻蟹都蟹膏滿滿，勁肥美多肉😍 諗番起都好想再食😆另外，即使店家好忙好full, 佢地既韓籍職員都好快過黎幫手撈飯（紫菜飯），真係好似係韓國食緊野咁呀😳😳 值得一讚！
燒板腱肉 （$230）
我地本身想嗌special menu入面既1++韓牛 （$380），但賣哂😭😭😭 （七點半落order都賣哂😂 真係好旺場）咁$230依個味道正正常常，畢竟唔係韓牛，係澳洲牛，但肉質都係十分新鮮的！同樣地，好快就有韓國職員黎幫我地燒😋 服務真的不錯！
值得一提既就係佢地都有好多款小菜，每一碟都好好味，泡菜好夠辣！好少香港韓食會送咁多小菜👍🏻👍🏻
總括而言，本家既食物質數都好高，旁邊幾檯都有嗌其他燒饅魚，豬手...望落份量多，十分吸引😋食醬油蟹既話香港首選，加上職員服務殷勤，有機會既話我一定會再食～ 佢既價位中上，但食物質數高同埋好正宗，所以十分推薦喜歡醬蟹既小吃貨一試！
推薦指數：9/10
地址： 本家韓國料理 (尖沙咀)
尖沙咀金馬倫道22-24號東麗中心1樓
張貼
