影片
更多
2022-04-08
30 瀏覽
其實呢間越南店我已經唔係第一次食，之前食過記得大份又抵食，價錢好公道，咁啱今日黎開佐敦，又再幫襯下試吓佢其他嘅食物，水準依舊😊👍🏼火五特色鳳爪($22) - 食正餐之前食啲小食開下胃先，呢個係越南嘅特色鳳爪，酸酸味味咁，配埋青木瓜絲，當餐前開胃小食咁食好唔錯㗎😋火五火車頭牛肉粉($68) - 食得越南嘢點可以唔食佢哋最出名嘅火車頭粉呢？火車頭嘅意思就係包晒所有材料，有生熟牛肉，牛丸，同埋扎肉。成碗粉面都算中規中矩，但最最最出色嘅係佢哋嘅牛丸， Menu上面寫係和牛牛丸，真係食得出同平時嘅牛丸好唔同，入邊一咬會有啲肉汁流出嚟，好Juicy而且好重牛味，如果有多幾粒就好啦🤣意大利黑醋汁蒜蓉牛油雞翼($38) - 呢個同普通蒜蓉牛油雞翼有啲唔同，佢加咗意大利醋汁，令到個雞翼唔會好似平時嗰啲咁油或者咁漏，而且啲大大隻雞翼炸到好香脆，即是加左醬汁都唔會變淋😎黃金蝦球($48) - 黃金蝦球即係鹹蛋黃蝦球，平時以為酒樓先有得食，估唔到呢類小店都會有😂佢哋嘅蛋黃醬會比好多，不過鹹蛋味就唔算太濃，所以都唔會好鹹，值得一讚嘅係個蛋黃醬都有流沙感覺，五粒兩個人share啱啱好😋
火五特色鳳爪($22) - 食正餐之前食啲小食開下胃先，呢個係越南嘅特色鳳爪，酸酸味味咁，配埋青木瓜絲，當餐前開胃小食咁食好唔錯㗎😋
火五火車頭牛肉粉($68) - 食得越南嘢點可以唔食佢哋最出名嘅火車頭粉呢？火車頭嘅意思就係包晒所有材料，有生熟牛肉，牛丸，同埋扎肉。成碗粉面都算中規中矩，但最最最出色嘅係佢哋嘅牛丸， Menu上面寫係和牛牛丸，真係食得出同平時嘅牛丸好唔同，入邊一咬會有啲肉汁流出嚟，好Juicy而且好重牛味，如果有多幾粒就好啦🤣
意大利黑醋汁蒜蓉牛油雞翼($38) - 呢個同普通蒜蓉牛油雞翼有啲唔同，佢加咗意大利醋汁，令到個雞翼唔會好似平時嗰啲咁油或者咁漏，而且啲大大隻雞翼炸到好香脆，即是加左醬汁都唔會變淋😎
黃金蝦球($48) - 黃金蝦球即係鹹蛋黃蝦球，平時以為酒樓先有得食，估唔到呢類小店都會有😂佢哋嘅蛋黃醬會比好多，不過鹹蛋味就唔算太濃，所以都唔會好鹹，值得一讚嘅係個蛋黃醬都有流沙感覺，五粒兩個人share啱啱好😋
張貼
