燒肉一番 (已結業)

問阿囝哥：「就嚟走啦！回歸香港仲有乜想食而未食㗎？」佢即刻話：「日本嘢！」壽司我又食咗幾次，就同佢去食日式燒肉。朋友介紹咗一間佈置有趣，有晒宮崎駿動畫角色模型嘅燒肉餐廳。

阿囝勁like龍貓巴士站嘅大模型。全間食店好有氣氛。

燒肉一番嘅午餐好豐富抵食。三個人叫咗兩個set, 再加啲小食已經好足夠。

套餐包餐前小吃、味噌湯、同珍珠米飯。
安格斯肉眼扒套餐

牛三角套餐

個紫菜流心蛋飯好正，佢一次過食晒碗飯，仲叫我返屋企整呢個飯比佢，可以食兩碗喎！