極尚大喜屋 (加連威老道) (已結業)

對上一次食大喜屋已經係中學時期，上星期夏日炎炎下同朋友係lunch走左入去食 極尚大喜屋！原來lunch時間唔一定係食放題，有set叫，不過今次黎到當然係選擇番放題啦！先講環境，係呢到食放題既感覺同其他放題唔同，可能因為佢d位唔會排到好逼，坐得舒服又唔會太嘈，傾計都舒服d！入戲玉講野食啦！開頭以為得一本野食紙好少選擇，原來佢因為太多所以分左2本，選擇非常多，最正既係有得食松葉蟹！！一定要讚！！大部分放題都唔會有，食多幾條都回左本！！刺身放面三文魚，甜蝦，赤蝦，帶子都係好鮮甜的！諗起都有d想再食。最後想再讚既係燒鰻魚，羊鞍都係好好食！羊鞍肉質好lum，燒鰻魚好香，面好脆，一d都唔霉！呀！差d唔記得講！雪糕係有Häagen-Dazs 同Mövenpick食的！最後想再讚埋服務，有d放題唔知係特登定點會漏單，催極都唔到最後先叫你再落單。但呢到d單跟得好足，等候時間唔會好耐，最好係佢好主動幫你收哂d已經食完野食物同碟，所以係成個放題既過程都好舒服好滿足！大滿足！！