仙竹林台式茶座

營業中

休息中

以前中學係呢度附近，學生時代成日走黎南山邨食lunch，呢度咁多間餐廳由我讀書到宜家做野都仲係度，咁多間都經得起時間既考驗。南山邨咁多間餐廳中呢間係最細既，店內只有兩人，單手數得哂既座位，真係估唔到今時今日仲有機會幫襯。門面十年如一日，好有回憶。D野食平到你唔信，宜家仲食到35蚊既飯，仲要包特飲。裝潢同中學時代無異。我揀左海南雞球飯。講真呢個價食到呢個味道真係算係咁，雞球係睇住店長新鮮炸出黎，咩都係假最緊要熱辣辣。珍珠奶茶係唔使加錢，你話邊度搵？吃的不是味道，是回憶和人情味。