魚之神日本料理 (已結業)

尋晚同朋友係寶琳睇完戲，諗住就腳係新都城塭食，不過夜晚十點，商場好多餐廳都收哂。係無乜idea之際，突然醒起以前係呢頭讀書果時成日食既呢間日式餐廳，經過原來十一點半先收，仲有得食，一於就入去食翻回憶的味道。一如既往，我都係食翻以前最中意食既牛肉鍋燒烏冬 揀左味噌湯底，好欣賞佢中間加左隻蛋，令個湯濃左，好味好多。烏冬係手打的，彈牙！肥牛都幾肥，所以烏冬都比較油。不過ok既，同以前個味無差，保持水準！係加左價，貴左，以前五十幾蚊。menu靚左，先發現餐廳改左名，以前叫魚之味，依家改左做魚之神。 在我說服下，朋友都嗌了個和我一樣的烏冬。