新桂香燒臘

營業中

休息中

之前一直聽不同友達都推薦這位於柴灣既新桂香叉燒有多好吃！今日特別過來一試！由於外婆以前住柴灣的關係，對這區一點都不陌生，當一路往新桂香進發的時候，路旁的景況越來越熟悉，到達店面，更發現這家便是兒時外婆常帶我來買外賣的燒味店！由於到達既時候已經過晒午飯時候，不用等候直接坐入店面便點上一碟半肥叉飯，拿拿臨手機先吃便馬上開動！半肥瘦既叉燒燒的剛剛好，周邊微焦更加滋味！平時食燒味飯一定要加薑葱的我，由於叉燒汁與白飯已經融在一起，首次沒要求薑葱便KO左成碟飯！一啖叉燒，一啖白飯再一啖冰可樂！幸福來得簡單又直接！極速KO後，本想打包買條叉燒返去俾為食天使食，但店主話而家得返條肥叉，叫我稍後再來，為美食，又點可以唔去盡！一邊在街寫首篇Openrice 食評，一邊回味那味道！或者好多人都會用再興同新桂香比，兩間D仔都食過，亦各有千秋，但，新桂香除左 叉燒味道外，更有著D仔當年與外婆的回憶，好多時，如何判定一間野一道菜好唔好食，除左自身既味道，個人既情感同回憶都係一個決定因素！D仔首篇隨心而發既食評，還望多多指教！