Brew Bros Coffee (禧利街) (已結業)

去過墨爾本後，對當地的早餐及咖啡念念不忘。聽說依間咖啡店的咖啡豆是來自墨爾本的Market Lane Coffee，所以一早就bookmark 左，終於等到一個休閒既假日黎試下啦～店內的風格簡約，選用木枱木櫈，枱面又用乾花做裝飾，感覺好舒服寫意。由於座位不多，而黎到時剛好時食brunch 時間，比較滿座，要同人搭枱。揀好食咩後就到櫃臺落單。Flat White首先出場～咖啡果酸味比較突出，又帶點甘味。可是奶泡打得不夠細膩綿密，快快咁影左幾張相，已經見到氣泡出現。不過整體咖啡的口感都好順滑，味道特別。 .簡單輕食All day breakfast有齊煙肉，炒蛋，大啡菇，沙律菜，茄汁豆，麵包，味道唔錯又份量剛剛好，大啡菇好好食～ Eggs Benedict with Smoked Salmon 澳洲經常食到的組合，個sauce 幾好味，再加蛋及煙燻三文魚配麵包，口感好豐富。而且配菜是baby spinach 配黑醋醬，令人更開胃而又可以解去eggs benedict 的膩。可惜水波蛋煮過左少少，有點似溏心，唔太流心。