阿元來了 (北街)

營業中

休息中

堅尼地城新店比以前大，裝潢亦很特別，滿滿都係台灣嘅感覺，仿佛回到台灣嘅夜市。以前都食過兩次，等位就一定嫁啦，好野多人食嘛！講起台灣小食，魯肉飯當然係第一名。香港好食嘅台式魯肉飯真係唔多，要平嘅更難，但喺阿元來了就搵到啦！魯肉飯嘅米係台灣珍珠米，掛汁嘅能力比一般米高，所以啖啖都食到香濃嘅魯肉味。魯肉從相中都可以睇到，半肥半瘦，份量亦夠撈哂成碗飯，正！另外叫咗一碟炸魷魚酥，一份地瓜球同一杯珍珠奶茶。魷魚酥炸很香脆無過熟，炸漿唔厚亦有調味，食落十分惹味！而地瓜球十分驚喜！台灣夜市嘅地瓜球比較大粒，而阿元來了嘅係比較細粒，作為女仔，我比較鐘意呢款，bite size非常方便。咬落外脆內軟，裏面十分煙軔，本身係甜甜地嘅地瓜味，表面再灑上梅子粉，味道再加昇華！最後珍珠奶茶就正常啦，所以最推介一定係地瓜球呢！