影片
更多
2021-08-30
20 瀏覽
「今晚返唔返黎飲湯啊？」電話另一邊問。「好啊！我行多陣就返黎架啦。」「如果餓既你哋就食野先。」講完我就熄左個電話。無錯，係熄咗個電話啊！呢一刻我唔想俾任何人搵到，只係想安靜咁回味。憑藉腦海入面同佢一步一步既回憶。「喂！你條友啊！又扮飽唔食啊？快啲食咗粒墨魚丸佢啊！」佢對住我講完之後仲篤粒章魚丸放喺我面前。「人哋叫大阪風味鱆魚丸啊！鱆魚同墨魚都唔識分！」真係反晒佢白眼。唔經唔覺都同佢識左十幾年啦，至於我哋嘅關係？我都唔知啊，好似默認左一齊但又冇講過係咩關係。總之就係冇踏出果一步啦。「理得佢叫咩啊！好食咪得囉。佢啲汁同紫菜啱啱好，唔會多又唔會少！仲食到佢有粒粒章魚喺裏面。😋」佢話。「連大小姐都話好食既就要試下啦！」「嘩！真係唔錯喎！」我再講「試埋個拉麵先！」「俾舊叉燒我！」大小姐講完之後就一手夾左「都幾好喎，好淋，又唔會太鹹。」佢試左啖湯底「豬骨湯底都好好飲，好夠味。」「試埋個忌廉蟹餅先講啦！」我講完果下佢已經夾起左舊喺度狂食。「睇熱啊！……嘩！炸得好脆呀！裏面既餡好夠份量👍🏻忌廉味好重但又唔會好膩🥰」望住佢食嘢個樣，自己都覺得幸福埋！或者呢種就係見到鍾意嘅人得到幸福既快樂感！「太子沢！我
「好啊！我行多陣就返黎架啦。」「如果餓既你哋就食野先。」講完我就熄左個電話。
無錯，係熄咗個電話啊！呢一刻我唔想俾任何人搵到，只係想安靜咁回味。憑藉腦海入面同佢一步一步既回憶。
「喂！你條友啊！又扮飽唔食啊？快啲食咗粒墨魚丸佢啊！」佢對住我講完之後仲篤粒章魚丸放喺我面前。
「人哋叫大阪風味鱆魚丸啊！鱆魚同墨魚都唔識分！」真係反晒佢白眼。
唔經唔覺都同佢識左十幾年啦，至於我哋嘅關係？我都唔知啊，好似默認左一齊但又冇講過係咩關係。
總之就係冇踏出果一步啦。
「理得佢叫咩啊！好食咪得囉。佢啲汁同紫菜啱啱好，唔會多又唔會少！仲食到佢有粒粒章魚喺裏面。😋」佢話。
「連大小姐都話好食既就要試下啦！」「嘩！真係唔錯喎！」我再講「試埋個拉麵先！」
「俾舊叉燒我！」大小姐講完之後就一手夾左「都幾好喎，好淋，又唔會太鹹。」佢試左啖湯底「豬骨湯底都好好飲，好夠味。」
「試埋個忌廉蟹餅先講啦！」我講完果下佢已經夾起左舊喺度狂食。「睇熱啊！……嘩！炸得好脆呀！裏面既餡好夠份量👍🏻忌廉味好重但又唔會好膩🥰」
望住佢食嘢個樣，自己都覺得幸福埋！或者呢種就係見到鍾意嘅人得到幸福既快樂感！
「太子沢！我會記得呢度架！喂！仲有你啊，以後我話要返黎食果時記得要陪我再黎！」大小姐指住我咁講。
無論你想點，只要我可以既都會陪住你。
死啦！而家幾點啊？7點幾啦！開返個電話先！
一開就見到幾個未接電話同訊息，全部都來自同一個號碼- 大小姐！
我即刻打返過去「頭先我掛住同以前既大小姐回味以前啊！」
佢即刻話「咁而家既大小姐唔洗埋啦？」
「唔係啊，我而家即刻返屋企！會帶埋大阪風味鱆魚燒啦！」我聲都震埋。
「係你先至講啊！」「快啲返屋企飲湯啦！」佢溫柔咁講。
或者回憶好珍貴，但係點都比唔上當下既幸福掛！我都係返屋企飲湯先啦！
果條友記
0 瀏覽
0 讚好
0 留言
0 瀏覽
0 讚好
0 留言
0 瀏覽
0 讚好
0 留言
0 瀏覽
0 讚好
0 留言
0 瀏覽
0 讚好
0 留言
張貼
