板長壽司 (創紀之城五期) (已結業)

香港壽司店選擇有好多但講到既新鮮又實惠嘅平民壽司店點可以少得板長呀所以今日心血來潮就去左板長食返餐飽愛食壽司嘅人少不免一坐低就叫個拖羅食下先我都唔例外 相裏面可以見到拖羅油脂分布平均食落爽口 油感充足 相當好食而右上嘅油甘魚都十分新鮮爽口 板長油金魚有好多不同口味 個人推薦原味 食得岀魚嘅本質而秋刀魚亦係入冬當做嘅魚類 時令之下肉質鮮甜而且魚肉新鮮完全冇腥味火炙壽司亦係我嘅喜愛有人會喜歡食三文魚刺身 但我就比較推薦火炙過嘅三文魚壽司 火炙過後將三文魚附帶嘅濃厚油脂融化 食落口感更佳 油花味更香其次嘅帆立貝 入口仍保持原有嘅鮮甜味 火炙過後外熱內冷 口感更加突岀而火炙鯖魚 今次係我第一次嘗試 擺脫左我過往對鯖魚嘅印象 一般覺得鯖魚都會有股濃烈嘅腥味 但以上鯖魚不但冇腥味之餘而且魚味十分重 赤蝦鮮甜無人不知 每次都會叫返兩件過下口引但鰤魚之美就未必街知巷聞 如果鍾意食油甘魚嘅你一定唔會對鰤魚失望 因為油甘魚同鰤魚係同一種魚 而鰤魚係油甘魚嘅長大版 口感油花都更想一層樓 你睇相都知幾咁肥美火炙海鰻入口即化 無咩好補充海膽都相當新鮮 完全冇街邊壽司店果種海膽腥臭味 但整體賣相可以有所改善~~~