尚座 (已結業)

已經冇印象自己有幾耐冇食過烤鴨，一於搵間餐廳食。揀左間銅鑼灣餐廳，裝修幾靚，中式又有貴氣。餐牌都幾多食物選擇，平時自己鐘意食既烤鴨，小籠包同冰鎮鮑魚都有得食。酥香烤鴨 $228即場切烤鴨，皮脆多汁肉質鮮嫩，富油香。配料充足，蒜蓉，蔥段，青瓜，密瓜，砂糖，海鮮醬自由配搭。餅皮非常貼心，做到長時間保溫的效果，食到尾都唔會硬梆梆。招牌小籠包 $68小籠包皮薄多汁，肉餡比例得宜。爆汁牛肉煎餅 $68牛肉煎餅餅皮香脆，咬開煎餅肉汁不斷地跑出，一碟兩件真係唔夠喉。冰鎮柚子鮮鮑 $148鮮鮑爽滑彈牙，配上柚子和汁醬清新開胃，消暑一流。開水白菜 $88賣相精緻，味道鮮甜，好睇又好食。四川擔擔麵 $88微辣鮮香，麵條細滑，惹味開胃。雷沙湯丸 $38入口煙靭有嚼勁，黑芝蔴蓉帶點流沙感覺，加上黃豆粉，很豐富的口感。