影片
更多
2008-07-25
2 瀏覽
今晚朋友過唻我哋嗰邊食飯。朋友話唔想食中菜，但其他嘢度度都食到悶哂，唯獨呢間。佢啱啱裝修完，之前都有食過，但總覺得隔離意大利抵食啲。Anyway，既然悶悶哋，不如就俾次機會佢。葉生今晚好豪，話不如食＄499 嘅二人餐。睇落真係比其他＄200 樓下嘅 set dinner 吸引得多，多好多嘢食。就咁話!!先唻 seafood platter。有四隻蠔、兩隻螺、兩隻青口，同兩隻 BB 龍蝦仔。我先攞咗隻蠔... 好開心呀，好耐冇食過蠔喇... Okay 啦，唔太驚喜。然後葉生叫我幫佢抆隻蝦食。我本來唔諗住食蝦，但抆咗個蝦頭出唻，忍唔住啜佢一啖... 嘩，超級鮮味呀!! 好鮮味，好感動!! 龍蝦不嬲都唔多關我事，但今晚突然同我變得好親近。我即刻將手上隻蝦俾番葉生自己搞掂，自己再攞另一隻慢慢嘆... 好味...然後唻頭盤二號燒帶子沙律。都好味，但個心仲停留咗喺頭先隻龍蝦 BB 度...然後係餐湯，可揀龍蝦湯或白松露菌忌廉湯。我唔鍾意龍蝦湯，但超鍾意菇湯，所以諗都唔駛諗。個湯唻嗰時，嘩，用咖啡杯上?? 小家啲啩... 飲第一啖... 嘩，好熱!! 好少飲到啲咁夠熱嘅餐湯... 好好味呀!! 唔識
葉生今晚好豪，話不如食＄499 嘅二人餐。睇落真係比其他＄200 樓下嘅 set dinner 吸引得多，多好多嘢食。就咁話!!
先唻 seafood platter。有四隻蠔、兩隻螺、兩隻青口，同兩隻 BB 龍蝦仔。我先攞咗隻蠔... 好開心呀，好耐冇食過蠔喇... Okay 啦，唔太驚喜。然後葉生叫我幫佢抆隻蝦食。我本來唔諗住食蝦，但抆咗個蝦頭出唻，忍唔住啜佢一啖... 嘩，超級鮮味呀!! 好鮮味，好感動!! 龍蝦不嬲都唔多關我事，但今晚突然同我變得好親近。我即刻將手上隻蝦俾番葉生自己搞掂，自己再攞另一隻慢慢嘆... 好味...
然後唻頭盤二號燒帶子沙律。都好味，但個心仲停留咗喺頭先隻龍蝦 BB 度...
然後係餐湯，可揀龍蝦湯或白松露菌忌廉湯。我唔鍾意龍蝦湯，但超鍾意菇湯，所以諗都唔駛諗。個湯唻嗰時，嘩，用咖啡杯上?? 小家啲啩... 飲第一啖... 嘩，好熱!! 好少飲到啲咁夠熱嘅餐湯... 好好味呀!! 唔識點形容，總之好濃郁，飲落真係好好幸福嘅感覺... 我唯有放慢手腳慢慢享受呢杯仔嘅餐湯，簡直想連杯底都 lai 埋。朋友話個龍蝦湯都好好味，所以我試咗少少... 都係我唔鍾意嗰種味，所以 no comment。
到主菜一號 —— 串燒和牛。我要五成熟。佢已經切到細細粒，所以唔駛再切就可以立即啪一粒先... 咁細粒都真係五成喎，牛味好濃，而且肉質好嫩滑，超水準之作。葉生鍾意佢跟嗰個紅酒 sauce，我就 prefer 芥辣。太好味喇...
食食吓，主菜二號登場 —— 大蝦天使麵。其實呢個係我喺成個 menu 之中最冇興趣嘅，但估唔到連呢個都有驚喜 —— 蝦爽脆彈牙，粉有剛剛好嘅香草味，飽都要食多兩啖。
甜品 = 心太軟拼 tiramisu。心太軟做得好，唔太甜。之前所有嘢都咁有誠意，應該再有誠意啲拼自製嘅 vanilla 雪糕，而家呢個普通貨色就真係失色咗啲啲。而個 tiramisu 就有啲失望，唔知點解食落啲 texture 有啲怪，好似水水哋咁，可能啲一層層未完全吸收哂啲酒。
咖啡都失望... 唔係唔好，但係如果之前嗰啲做到咁超班，咁臨尾嘅 tiramisu 同咖啡就實在係敗筆。
總括唻講，overall 都叫非常滿意，加埋一 $550 兩個人俾得非常樂意。同枱其他朋友都食得好開心滿足。
但看官們請注意：＄499 係一至四價錢；五六日盛惠 $599。
張貼