影片
更多
2021-09-13
22 瀏覽
「望鏡頭…….1，2，3！」「咔嚓！」今日返左學校影畢業相，等左4年終於等到呢一刻。「仲記得做fyp果陣，連續兩晚冇訓呀…….」「叫左你早啲開始做架啦，成日都做deadline fighter!」我望住佢，諗返起以前既大學回憶。「記唔記得以前我地成日食杯面做宵夜？」「點會唔記得呀！上左大學就冇再問屋企攞零用錢，有時冇錢唯有食杯面囉！」雖然以前有幫人補習，賺到少少錢，但都係勉強維持到生活。「果陣時趕deadline做到凌晨三、四點，我地成班hallmate圍埋一齊食杯面，真係好懷念呀！」「今晚一定要食餐好既，慶祝我地畢業！」佢好興奮咁講。「梗係啦！唔通仲食杯面咩？」我笑住咁答佢。除低件畢業袍，我地就出發去左旺角一間西班牙餐廳。一入到去店舖好簡潔，黑白色為主，見到開放式廚房。「相機食先！呢個西班牙小辣椒好香喎。煮得好入味，而且份量算多，夠2-3個人share。」一咬落去發現調味料好香，本身以為好辣，但完全唔辣架！ 「個蛋餅都唔錯喎！食到裏面有薯仔。你試下？」見佢講到咁吸引，我到忍唔住想試下。「唔錯喎，配埋上面啲火腿一齊食好夾。」西班牙蛋餅上面鋪左幾塊火腿，火腿唔會太鹹，而且食落好香。「聽講
今日返左學校影畢業相，等左4年終於等到呢一刻。
「仲記得做fyp果陣，連續兩晚冇訓呀…….」
「叫左你早啲開始做架啦，成日都做deadline fighter!」我望住佢，諗返起以前既大學回憶。
「記唔記得以前我地成日食杯面做宵夜？」
「點會唔記得呀！上左大學就冇再問屋企攞零用錢，有時冇錢唯有食杯面囉！」雖然以前有幫人補習，賺到少少錢，但都係勉強維持到生活。「果陣時趕deadline做到凌晨三、四點，我地成班hallmate圍埋一齊食杯面，真係好懷念呀！」
「今晚一定要食餐好既，慶祝我地畢業！」佢好興奮咁講。
「梗係啦！唔通仲食杯面咩？」我笑住咁答佢。
除低件畢業袍，我地就出發去左旺角一間西班牙餐廳。一入到去店舖好簡潔，黑白色為主，見到開放式廚房。
「相機食先！呢個西班牙小辣椒好香喎。煮得好入味，而且份量算多，夠2-3個人share。」一咬落去發現調味料好香，本身以為好辣，但完全唔辣架！
「個蛋餅都唔錯喎！食到裏面有薯仔。你試下？」
見佢講到咁吸引，我到忍唔住想試下。「唔錯喎，配埋上面啲火腿一齊食好夾。」西班牙蛋餅上面鋪左幾塊火腿，火腿唔會太鹹，而且食落好香。
「聽講佢地既chorizo幾好食架喎。不如叫黎試下？」食完蛋餅，我再叫左個Chorizo。
一上菜已經聞到個sauce既香味！「腸仔同個汁好夾口喎。試埋個麵包先！」
「焗得好脆呀！同個汁一齊食仲正！」
4年大學生活之後，大家都成熟左好多。希望再見面既時候，仍然記得4年來青春又熱血既時光！
1 瀏覽
0 讚好
0 留言
張貼
