影片
更多
2019-01-07
4833 瀏覽
今日收工果陣攰到嘔，想幫自己快速叉電，所以就同男朋友去灣仔食返個靚靚放題。見MENU只有5張，以為好少野食？咁就錯喇！其實呢度係半自助形式，刺身、沙律、壽司、串燒、甜品等等都係自己出去拎，種類非常豐富！只係沙律已經有好多選擇，我選擇左既飽肚又好味的薯仔沙律，圓碌碌咁，睇到都想食！送酒必備的巴馬火腿配蜜瓜，點解得一件？因為男朋友等唔切我影相已經不斷食，到我發現已經淨返一件！（食完可以再拎，咁就放過佢啦……）我諗刺身一定係好多人心目中食放題的重點～呢度的刺身質素絕對唔會令大家失望，因為刺身都係出去拎，望住師傅即叫即切，唔講咁多，睇圖片就知道好肥美～甜蝦、帶子既大隻又鮮甜，三文魚、劍魚腩都係厚切，男朋友平時唔鍾意食希靈魚，竟然冇投訴，可見希靈魚質素都唔錯！壽司都係自助，魚肉固然新鮮，個人覺得飯的比例也拿捏得很好，一口一件，食落非常滿足。芝士焗蠔Ｄ芝士勁多，好濃味，非常邪惡，必食！天婦羅很香脆。羊架、牛肉串的肉質肥瘦適中，惹味可口，食肉獸不容錯過！飲品方面，除了常見的汽水，仲有清酒任飲！呢度仲有非常值得推薦的甜品吧，甜品種類超多，說是包羅萬有都唔誇張：好多野都想試～當中焦糖燉蛋係即叫即整，熱辣
所以就同男朋友去灣仔食返個靚靚放題。
見MENU只有5張，以為好少野食？咁就錯喇！其實呢度係半自助形式，刺身、沙律、壽司、串燒、甜品等等都係自己出去拎，種類非常豐富！
只係沙律已經有好多選擇，我選擇左既飽肚又好味的薯仔沙律，圓碌碌咁，睇到都想食！
送酒必備的巴馬火腿配蜜瓜，點解得一件？因為男朋友等唔切我影相已經不斷食，到我發現已經淨返一件！
（食完可以再拎，咁就放過佢啦……）
我諗刺身一定係好多人心目中食放題的重點～
呢度的刺身質素絕對唔會令大家失望，
因為刺身都係出去拎，望住師傅即叫即切，
唔講咁多，睇圖片就知道好肥美～
甜蝦、帶子既大隻又鮮甜，
三文魚、劍魚腩都係厚切，
男朋友平時唔鍾意食希靈魚，竟然冇投訴，可見希靈魚質素都唔錯！
壽司都係自助，魚肉固然新鮮，個人覺得飯的比例也拿捏得很好，
一口一件，食落非常滿足。
芝士焗蠔Ｄ芝士勁多，好濃味，非常邪惡，必食！
天婦羅很香脆。
羊架、牛肉串的肉質肥瘦適中，惹味可口，食肉獸不容錯過！
飲品方面，除了常見的汽水，仲有清酒任飲！
呢度仲有非常值得推薦的甜品吧，
甜品種類超多，說是包羅萬有都唔誇張：
好多野都想試～
當中焦糖燉蛋係即叫即整，熱辣辣，
睇返Ｄ相都流口水！
水信玄餅賣相滿分，好有日式風味。
看起來平凡的蛋糕卷也很好吃。
綠茶慕絲不會太甜，有很香茶味，喜歡日式甜品的朋友一定會喜歡！
整體來說，除了環境舒適，沙律、刺身、串燒和甜品的水準也很不錯，
尤其是甜品，真係食到樂而忘返～
張貼
