川婆婆 (寶勒巷) (已結業)

我想打邊爐男朋友想食燒肉，見到上網有人卉介尖沙咀既川婆婆，集火鍋同燒肉於一桌的餐廳，餐廳坐落於寶勒巷，熙來攘往既街道旁邊一間sharp醒橙色外牆的川菜館，上面掛滿四川國粹變臉既臉譜，今晚終於有時間過黎試下啦🌶🌶🌶火鍋配料以自助形式咁拎，配料用長竹簽串住，以前打邊爐最怕就係放左啲野落個鍋度撈唔返，有枝竹簽串住唔驚搵唔到，推介大家拎串串豆卜、泡椒牛肉同牛腸，串串豆卜吸收哂湯底既精華超正，泡椒牛肉用既係新鮮牛肉，牛味香濃又夠特別🔥，牛腸包住京蔥，唔會有腥味，兩者配搭夠清新👍🏻除此之外，仲有必食既鴨血、鵝腸、豬膶、雞腎、雞軟骨等等，應有盡有。鵝腸非常爽口，放係麻辣鍋煮完超入味，鴨血質地滑溜爽口，建議煮耐少少，令到口感更加突出😍整體來講，餐廳性價比極高，如果想食既朋友記得預早打黎book枱啦😎🔥