影片
更多
2016-02-29
106 瀏覽
上次食完Verde Mar 一直心癢癢掛住佢地d野食.. 今日終於得閒約埋兩個friend過灣仔食啦！！上次去試左個烤仙人掌覺得非常特別！今日雖然好想再食多次...不過睇下menu 有好多好正宗既菜色所以都係放棄左仙人掌叫下其他試下 大家估下呢款係咩黎既？個樣雖然好似炸魚皮..但其實呢款係fish chicharon 既炸魚柳條...表皮炸到非常香脆...但係唔會太乾身...脆漿好薄令到魚肉可以保持口感...而調味適中..唔會好似中式椒鹽九肚魚乾咁重位...值得一提既係旁邊既秘製青檸醬汁酸酸地...同個fish chicharon 簡直係perfect match！好開胃 上次見到個menu已經好想試既七海海鮮湯 雖然睇落係紅色，但係其實佢一d 都唔辣架！仲非常鮮甜，好重海鮮味 一上菜已經見到個湯非常足料 有青口、大蝦、帶子、墨魚、八爪魚等等既海鮮。 而佢特別之處係側邊既配菜，有香草、牛油果、番茄、洋葱、青瓜。食既時候將所有配料落埋落去拌匀，口感層次非常豐富，配上濃郁鮮甜既湯底，好正呀 主菜想試下以墨西哥方法煮既海鮮，所以就叫左個 fish verac
上次去試左個烤仙人掌覺得非常特別！今日雖然好想再食多次...不過睇下menu 有好多好正宗既菜色所以都係放棄左仙人掌叫下其他試下
大家估下呢款係咩黎既？個樣雖然好似炸魚皮..但其實呢款係fish chicharon 既炸魚柳條...表皮炸到非常香脆...但係唔會太乾身...脆漿好薄令到魚肉可以保持口感...而調味適中..唔會好似中式椒鹽九肚魚乾咁重位...值得一提既係旁邊既秘製青檸醬汁酸酸地...同個fish chicharon 簡直係perfect match！好開胃
上次見到個menu已經好想試既七海海鮮湯 雖然睇落係紅色，但係其實佢一d 都唔辣架！仲非常鮮甜，好重海鮮味 一上菜已經見到個湯非常足料 有青口、大蝦、帶子、墨魚、八爪魚等等既海鮮。 而佢特別之處係側邊既配菜，有香草、牛油果、番茄、洋葱、青瓜。食既時候將所有配料落埋落去拌匀，口感層次非常豐富，配上濃郁鮮甜既湯底，好正呀
主菜想試下以墨西哥方法煮既海鮮，所以就叫左個 fish verachuz mahi mahi steak，色彩非常豐富！ 魚柳上面配上好多配菜，有紅椒、番茄、洋葱等等，配上甜甜既醬汁、非常好味 魚皮亦煎得香脆，肉質嫩滑，仲食得出好重香料味，非常特別
雖然我地得三個人，不過都好貪心叫左個whole chargrilled chicken，因爲上次食過真係好正所以今次要介紹比兩個friend試下 whole chicken真係真材實料架！非常大隻！雖然係經過烤焗，不過成隻鷄都保留住鮮味，而肉質非常滑！連我平時唔中意食鷄胸既都全部食曬呀 聽waiter 講每日都係限定數量，所以賣曬就無架啦！好彩我地今日早d黎，如果唔系就錯過咁好食既雞啦！大家一定要試下呀！
甜品雖然好想試佢地既招牌粟米雪糕，不過食完超好味既主菜已經好飽，所以淨係叫左一款甜品。同上次一樣我都係抵受唔到引誘叫左個churros churros 條條都新鮮炸起，熱辣辣，非常香脆，而且個朱古力醬好！好！味！呀！！朱古力醬唔係太甜不過有非常香濃既朱古力味，好正！！
今次食完都仲係非常有驚喜 每道菜都非常滿意，下次再黎既時候一定要再試埋其他野! 正！
張貼
