鱈卵屋 (已結業)

自從由福岡返嚟後，好掛住明太子。經朋友介紹後，知道呢間明太子專門店既野食大都以明太子入饌，所以專程嚟試試。一入去餐廳，見到好多福岡既裝飾，好有親切感。最特別係筷子座，竟然係一塊膠製紅葉，好有心思！呢度既set lunch餐牌好吸引，可以在三頁中揀選三道餸菜，真難選擇呀！最後揀咗明太子沙律、南蠻炸雞同埋呢度至出名既明太子蛋卷。明太子撈入沙律，味道清新怡人，唯明太子不夠多，味道不夠濃。南蠻炸雞則較普通，不過不失。呢餐既亮點當然係明太子蛋卷，蛋卷的烹煮時間控制得非常好，不會過熟過老，鮮甜既蛋汁同微辣既明太子簡直係絶配！