三分俗氣 (已結業)

今日黎到新浦崗嘅「三分俗氣」，聽個名真係唔知乜野葫蘆賣乜嘢藥，原來係食上海菜嘅~中菜之中，上海菜真係特別岩食，甜、酸、辣都係咁出色！本來覺得二人餐好抵食，但因為唔想食太多澱粉質所以決定散點涼拌有雞絲粉皮及口水雞雞絲粉皮唔會太腬，好清新口水雞辣度適中，亦唔會太油，雞(脾)肉嫩滑無澱粉質都想食啲飽肚嘅螞蟻上樹，即係肉碎葱粒炒粉絲，雖然炒野一定偏油，先香口，但粉絲係綠豆，唔怕啦！蟹季緊係唔少得蟹粉小籠包喇，每口都充滿蟹膏蟹肉鮮味，加上肉味香甜，非常juicy 、令人回味。最後本來想飲埋酸辣湯，但覺得飽飽地，所以叫甜品就算。平時都會食豆沙鍋餅、高力豆沙，但今次叫左款椰茸煎芋餅外層非常香脆，內裏芋香及豆沙做饀，口感有啲似煎堆，好特別！