川味辣蟹·串燒·烤魚·雞煲·專門店 (已結業)

去咗尖沙咀食四川風味海鮮大咖～可以一次過食多款海鮮，揀咗麻辣口味又食得幾過癮。🔶海鮮大咖 $298/每位可以揀蒜蓉或者麻辣口味～我哋麻辣揀咗小辣，辣到剛剛好唔會辣到跳舞。呢個海鮮大咖每日提供8款時令海鮮，當日有龍蝦丶小龍蝦丶海蝦丶廣島蠔丶沙白蜆丶貴妃蚌丶鮑魚丶青口，成盤嚟到都幾大堆頭，滾翻熱就食得，其中最鍾意鮑魚～彈牙香口！要廣島蠔同埋貴妃蚌都加咗好多蒜蓉做調味，味道濃郁。🔶雞翼尖即場follow店家IG 仲送咗一碟雞翼尖，作為前菜小食唔錯，肉質滑呀夠晒入味。見到餐廳仲有「1蚊雞大優惠」呀～只要同枱食客人均消費每位滿$150，就可用1蚊食到招牌雞煲或者麻辣小龍蝦呀～超抵啦。