花斑茶社 (海之戀商場) (已搬遷) 新店位置

是日去潮拜donki donki. 多人到唔敢響裏面食嘢。結果決定去篤魚蛋，去前search openrice 發現呢間嘢。原來佢舖頭隔幾個位又有另一間珍奶。老老實實如果齋睇個門面，我會入另一間。因為...個門口好奇怪。唔係其他人影咁。已經變成一張非常大嘅餐單，幾乎係遮曬裏面啲裝修。有幾個韓仔嘅黑白相圍住張單... 好似唔係好老黎...入去左邊地下又有個牌，又係韓仔相。我老喇。唔知邊個黎。其實我見到係減分。因為通常呢啲都係賣綽頭，唔係食物...裏面啲燈比較暗，藍藍哋燈咁。感覺有啲怪。買左杯名間四季春加珍珠少甜。估唔到四季春好香。印象中俾我飲過嘅任何一間都香。珍珠係有咬口嘅偏硬珍珠，但係熟嘅。好正。有機會會再試其他飲品。雖然個裝修真係好奇怪...