初鮨 (已結業)

星期六約咗屋企人一行4人去食個OMAKASE Lunch，之前打去book位，但冇bar枱位要坐car位，但店員都好好，佢話到時有Bar位會轉番比我，但最後冇。原來唔坐bar枱真係差啲，好似食緊套餐咁，不過好在味道都唔錯。我哋每人一個”梅”餐$380，分量女仔都夠飽，但我哥哥就唔多夠，攞餐黎都有店員介紹同埋講解食邊樣食先，但店員有D口音聽得唔太清楚佢講咩魚，笑料百出。佢嘅刺身同壽司選擇嘅魚都係偏向淡口嘅魚，但魚都新鮮。我就最鐘意佢個蟹肉蒸旦。