牛摩 (荃灣千色匯I) (已結業)

朋友生日想食火鍋放題，市面上太多形形色色既「牛乜乜」，無乜特別偏好，就隨便揀左方便大家既荃灣千色。門口有張貼湯底選擇，朋友都揀左壽喜燒，有生雞蛋附上，自己就揀左沙嗲湯底，有花生香氣，可惜實際上稍為淡味。主食材揀左嚴選三筋肉，對比起普通果種牛肉，肉同油脂比較平均，唔錯。海鮮盤都係包埋，帆立貝中等size，食落都意外地好鮮甜，海蝦又係幾有質素，無唔新鮮既感覺。落單apps同埋出面自選材料都有相當多材料任選，較有印象係牛舌，灼一陣唔會太韌，又夠油香，響鈴、豆卜、蔬菜等都refill得密。最後食到飽飽滯滯都要黎杯軟雪糕，六圈半就差咁d功力，但都十分滿足。