影片
更多
2018-04-28
1191 瀏覽
好耐無同屋企人飲茶，一於嚟富臨薈歎個夜茶。推出左啲新菜，係春日限定，屋企人話好吸引，要試吓喎。最特色係【動物農莊拼盤】，放晒喺個三層雀籠上面，好精緻。同個餐廳啲雀籠裝飾相映成趣。最頂係成雙成對嘅〈天鵝金枕酥〉，外層鬆化，裏面係榴槤蓉，好香榴槤味，正！中間係〈棉花白兔仔〉同兔仔最鍾意食嘅〈紅豆蘿蔔仔〉。竟然有白兔仔棉花糖，好耐無食過喇，可愛得嚟仲做得好有空氣感。襯埋一對紅蘿蔔，絶！底下係最有心思嘅「雞竇」〈有雞先定有蛋先〉同埋〈箭豬叉燒包〉，仲用埋炸米粉嚟築巢添。成set都非常吸睛，隔離枱嘅小朋友見到都好雀躍。〈箭豬叉燒包〉外皮好脆，但食個時真係要小心，因為好多尖「刺」架。【糖漬栗子】一粒粒完整栗子，雖然係糖漬，但唔會太甜又夠入味。【乾坤雞翼】咁脹卜卜，究竟有乜乾坤呢?原來雞翼入面係蝦米炒飯，味道就冇乜驚喜，而且得一隻就少咗啲。【豆酥鱈魚】鱈魚上面有豆酥同炸薑絲。豆酥夠惹味，唔會死鹹。鱈魚就肉質極滑又juicy，因為無碎骨，小朋友老人家都好啱食。【紅蟳米糕】一大個蒸籠，入面有兩隻已敲碎嘅蟹件，下面係一層糯米飯。蟹殻薄且脆，唔駛用鉗都食到。蟹肉雪白，新鮮鮮甜，鮮甜，啱晒我呢個蟹迷。不過糯米
好耐無同屋企人飲茶，一於嚟富臨薈歎個夜茶。
推出左啲新菜，係春日限定，屋企人話好吸引，要試吓喎。
最特色係【動物農莊拼盤】，放晒喺個三層雀籠上面，好精緻。
同個餐廳啲雀籠裝飾相映成趣。
最頂係成雙成對嘅〈天鵝金枕酥〉，外層鬆化，裏面係榴槤蓉，好香榴槤味，正！
中間係〈棉花白兔仔〉同兔仔最鍾意食嘅〈紅豆蘿蔔仔〉。竟然有白兔仔棉花糖，好耐無食過喇，可愛得嚟仲做得好有空氣感。襯埋一對紅蘿蔔，絶！
底下係最有心思嘅「雞竇」〈有雞先定有蛋先〉同埋〈箭豬叉燒包〉，仲用埋炸米粉嚟築巢添。成set都非常吸睛，隔離枱嘅小朋友見到都好雀躍。
〈箭豬叉燒包〉外皮好脆，但食個時真係要小心，因為好多尖「刺」架。
【糖漬栗子】一粒粒完整栗子，雖然係糖漬，但唔會太甜又夠入味。
【乾坤雞翼】咁脹卜卜，究竟有乜乾坤呢?
原來雞翼入面係蝦米炒飯，味道就冇乜驚喜，而且得一隻就少咗啲。
【豆酥鱈魚】鱈魚上面有豆酥同炸薑絲。豆酥夠惹味，唔會死鹹。
鱈魚就肉質極滑又juicy，因為無碎骨，小朋友老人家都好啱食。
【紅蟳米糕】一大個蒸籠，入面有兩隻已敲碎嘅蟹件，下面係一層糯米飯。
蟹殻薄且脆，唔駛用鉗都食到。蟹肉雪白，新鮮鮮甜，鮮甜，啱晒我呢個蟹迷。不過糯米飯好似冇吸收太多蟹味，反而荷葉香味更出。還好質感軟腍，食落香軟。
品嚐左幾款春日滋味菜式，家人都話唔錯。臨走見到個下午茶餐牌，佢哋話幾抵，下次要嚟食！
張貼
