影片
更多
2020-07-01
1321 瀏覽
餐廳：新泰東南亞餐廳 (尖沙咀)地址：尖沙咀北京道12A號太子集團中心8樓之前去過加拿分道嘅另一間新泰東南亞餐廳🇹🇭，咁岩經開尖沙咀記起果陣經理有提過北京道呢間分店，所以今次就過黎呢邊食下野😋太子集團中心8樓呢間店相對較細，但係就可以遠望到北京道嘅街景，而不變嘅係泰味一樣濃厚😆，職員、裝潢、歌曲都係充滿住泰國特色同風格香芒軟殼蟹米紙卷 $88薄薄嘅米紙卷包住軟殼蟹、米粉、生菜🥬、蘿蔔絲同芒果🥭，芒果份量唔多，所以芒果味唔算太出，但隱約都食到芒果嘅甜香，軟殼蟹成為左主角中嘅主角🦀，咬落香脆味道突出，頭尾幾舊仲可以清晰見到軟殼蟹腳嘅蹤跡，好吸引呀😍巴東牛展 $88巴東牛嘅起源係因為以前嘅人無雪櫃，所以用椰奶同香料煮熱去增加保存時間🥥，成功嘅巴東特色係要搗碎香料同加入椰奶後用慢火煮腍主菜(例如呢個牛展)🐮，直至香料滲入牛展，同埋椰奶收乾為止🔥。而我食嘅呢碟牛展軟腍入味，巴東汁游走係牛展之間，香而唔太辣，好有東南亞風味參峇炒羊角豆 $85參峇醬係東南亞菜入面扮演左重要嘅角色，由海鮮、肉類到蔬菜都少不了佢嘅蹤影😎，而羊角豆大家又知唔知係咩呢😆？其實就係我地成日講嘅秋葵。用參峇醬炒完嘅秋葵惹味香濃
地址：尖沙咀北京道12A號太子集團中心8樓
之前去過加拿分道嘅另一間新泰東南亞餐廳🇹🇭，咁岩經開尖沙咀記起果陣經理有提過北京道呢間分店，所以今次就過黎呢邊食下野😋
太子集團中心8樓呢間店相對較細，但係就可以遠望到北京道嘅街景，而不變嘅係泰味一樣濃厚😆，職員、裝潢、歌曲都係充滿住泰國特色同風格
香芒軟殼蟹米紙卷 $88
薄薄嘅米紙卷包住軟殼蟹、米粉、生菜🥬、蘿蔔絲同芒果🥭，芒果份量唔多，所以芒果味唔算太出，但隱約都食到芒果嘅甜香，
軟殼蟹成為左主角中嘅主角🦀，咬落香脆味道突出，頭尾幾舊仲可以清晰見到軟殼蟹腳嘅蹤跡，好吸引呀😍
巴東牛展 $88
巴東牛嘅起源係因為以前嘅人無雪櫃，所以用椰奶同香料煮熱去增加保存時間🥥，成功嘅巴東特色係要搗碎香料同加入椰奶後用慢火煮腍主菜(例如呢個牛展)🐮，直至香料滲入牛展，同埋椰奶收乾為止🔥。
而我食嘅呢碟牛展軟腍入味，巴東汁游走係牛展之間，香而唔太辣，好有東南亞風味
參峇炒羊角豆 $85
參峇醬係東南亞菜入面扮演左重要嘅角色，由海鮮、肉類到蔬菜都少不了佢嘅蹤影😎，而羊角豆大家又知唔知係咩呢😆？其實就係我地成日講嘅秋葵。
用參峇醬炒完嘅秋葵惹味香濃👍🏼，少少辣之餘又有番茄仔為成碟菜加添左顏色同更清新開胃，唔錯唔錯
張貼
