ZERO (已結業)

Order咗一客雞翼、pizza同嘢飲，上菜速度同嘢食ok。但埋單時check單，無啦啦有一項$1 charity嘅收費，我望住張單幾次，阿manager都無反應同個同事傾計，過咗陣先有啲串咁同我講嗰$1係for charity，如果我介意可以同我取消返。其實唔係$1價值嘅問題，係你無表明、我無同意同唔知受惠機構下，我「被捐錢」，咁同屈有咩分別?如果餐廳真想為慈善出力，不如將全單1%捐出/ 某一款菜式收益作慈善用途/ 放捐款箱，而唔係掛住慈善嘅光環，但要顧客幫你埋呢條數。奉勸各位要幫襯嘅話記住check單!