影片
更多
2022-01-05
140 瀏覽
之前見到openrice啲相好吸引，已經想食好耐，今次竟然比我book到假期夜晚，非常期待🤤一開始食左海膽茶碗蒸，馬糞海膽先食，跟住就食白鱈魚雄性精子，茶碗蒸有鮑魚汁做芡汁，果然鮮味十足！漬物就有魚乾，核桃，蘿蔔，薑 酸酸甜甜幾開胃👍👍之後上左個香箱蟹膏，另外仲有鮟鱇魚肝同埋佐南高梅酒啫喱，師傅教我地先食鮟鱇魚肝，配上柚子酸汁，增添味道層次。跟住食蟹，蟹係雌性越前蟹，而家當造，我地要先食蟹肉，跟住蟹籽，然後蟹膏，最後食蟹肉底下嘅蘋果同中間嘅梅酒啫喱，個啫喱好濃酒味，非常開胃。💋刺身方面有岩手県帆立貝，白珍珠象拔蚌，劍魚腩，長崎県吞拿魚腩，寒霜鰤魚。🥰象拔蚌唔似傳統咁切成一片片，而係一條條，咁樣切令肉身更厚，食起上嚟更有口感帆立貝好大粒好鮮美，食落有一絲絲口感，好特別。👍👍劍魚腩又稱為白拖羅，好肥美，油份極多，可以伴隨隻碟中間嘅紫色小花一齊食，因為啲花仔可以吸收油份，咁食落就冇咁油膩。吞拿魚腩一樣超肥美，呢舊係正腩，係魚腩最中間最肥嗰個位😍鰤魚（buri）出面好少會食到，咁啱而家都係當造所以可以試下。佢輕輕燒左個面，魚味好濃，伴隨上面嘅日本小洋蔥，豉油都唔使點就已經好濃味好好食🥰🥰壽司逐
一開始食左海膽茶碗蒸，馬糞海膽先食，跟住就食白鱈魚雄性精子，茶碗蒸有鮑魚汁做芡汁，果然鮮味十足！
漬物就有魚乾，核桃，蘿蔔，薑 酸酸甜甜幾開胃👍👍
之後上左個香箱蟹膏，另外仲有鮟鱇魚肝同埋佐南高梅酒啫喱，師傅教我地先食鮟鱇魚肝，配上柚子酸汁，增添味道層次。跟住食蟹，蟹係雌性越前蟹，而家當造，我地要先食蟹肉，跟住蟹籽，然後蟹膏，最後食蟹肉底下嘅蘋果同中間嘅梅酒啫喱，個啫喱好濃酒味，非常開胃。💋
刺身方面有岩手県帆立貝，白珍珠象拔蚌，劍魚腩，長崎県吞拿魚腩，寒霜鰤魚。🥰
象拔蚌唔似傳統咁切成一片片，而係一條條，咁樣切令肉身更厚，食起上嚟更有口感
帆立貝好大粒好鮮美，食落有一絲絲口感，好特別。👍👍
劍魚腩又稱為白拖羅，好肥美，油份極多，可以伴隨隻碟中間嘅紫色小花一齊食，因為啲花仔可以吸收油份，咁食落就冇咁油膩。
吞拿魚腩一樣超肥美，呢舊係正腩，係魚腩最中間最肥嗰個位😍
鰤魚（buri）出面好少會食到，咁啱而家都係當造所以可以試下。佢輕輕燒左個面，魚味好濃，伴隨上面嘅日本小洋蔥，豉油都唔使點就已經好濃味好好食🥰🥰
壽司逐件上，幾特別幾好食，有吞拿魚腩、鯛魚、鯖魚、牡丹、平目魚、海膽，非常多種類！！我最鍾意昆布漬牡丹蝦，超鮮甜，其他既壽司都新鮮好味，大家睇相就知道😍😍師傅仲教左我地正宗食壽司既方法。魚生係貼脷先，咁先可以品嚐到解甜既魚香味。
宮崎県A5和牛，點埋個芥末子食，牛味好香好濃味😘😘
京都豆乳鯛魚湯唔錯wo, 消滯一流😚
甜品有三款，分別係靜岡縣士多啤梨，開心果雪糕同士多啤梨芝士蛋糕，全部都幾好食！！
適逢節日可以食到咁高質既日本野，真係好興奮！好欣賞師傅既細心，侍應嘅服務態度，優美嘅餐廳環境，值得再嚟多次食👏🏻
張貼
