Cocolo Tokyo Cake Factory (利東街) (已結業)

之前去日本, 見過這個青森蘋果批。 但因為太多人排隊，所以當時忍左冇買。 諗住下次見到再食啦。 點知而家已經冇得去, 真係好失望。 估唔到香港都有得食啦。 今日專成去試。 又因為而家應該少左人出街, 應該易買d.去到好彩唔太多人, 不過都賣得好快, 如果咁啱冇晒，就要等下轉出爐。舖面細細, 佢都有其他走既蛋糕。 本來想試栗子蛋糕，但，真係賣晒啦。 得返南瓜味，我就另外簡左香橙芝士蛋糕。 價錢黎講又幾ok, 而且真係好好食。蘋果批超鬆脆，唔會好似一般酥皮咁油, 最勁係咬落去佢都唔會痴埋一齊, 係會彈返開架。 唔會勁甜, 蘋果味好清新。 真係會吸引你食第二個。 而佢既香橙芝士蛋糕橙香好濃, 食落好特別, 佢連橙皮都係甜既，冇澀味，好舒服。 不過真係要雪冷d食會更正。而我仲發現到佢有冇酒精既威士忌味汽水。 本住當去旅行既心態試下, 都幾得意。 希望真係快d有得去日本試啦。