宜家家居餐廳及咖啡室

營業中

休息中

ikea耐唔耐就會出新菜式，咁耐冇食緊係要食下！酥炸咸豬手，隻豬手好大隻，側邊配幾粒薯仔。豬手出面個皮好脆，好好咬口，諗住舊骨好大舊，得幾啖肉食，點知一切開啲肉都好多！雖然啲肉唔算好嫩滑，但肉質都好咬，有啲爽爽地嘅感覺，配汁好好食，但啲汁唔算好多，以呢個價錢嚟講好抵食，食完個豬手都半飽。肉醬千層麵配雜菜，個千層麵係一大盤嘅其中一份，麵底唔係有好多層，應該得三、四層，上面有層好厚嘅忌廉(/芝士?)，味道還不錯，但冇一份份焗出嚟嗰啲咁好食，配菜有西蘭花、紅蘿蔔，同好多青豆。最後就係必食嘅瑞典肉丸，薯蓉配忌廉汁真係絕配！！而家紅果子醬要另外自己唧，唔同以前會倒埋一齊，我唔食所以就冇加啦。