咖啡弄 (已結業)

下午茶時間，行街行到攰攰地，梗係要搵番個坐得舒服既地方來嘆一嘆放鬆一下啦，我同朋友最愛去既餐廳之一就係咖啡弄啦，哩度環境OK，同埋最緊要坐得舒服啊嘛！每次去都係排長龍呀，等左差唔多三十分鐘終於可以坐下啦！外面天氣好熱，就點左杯芒果冰沙來解下暑啦，賣相幾好喔，但食落就麻麻啦，太甜啦，仲係糖漿果種甜，相反，個士多啤梨冰淇淋鬆餅就無得輸啦！鬆餅外脆內嫩，仲好厚身，士多啤梨都幾大粒，但有少少酸噢，兩個人食都食到好飽喔！鬆餅一如既往既好評呀！