養心殿台式養生鍋 (已結業)

朋友間近期流傳呢間養心殿台式養生火鍋開到成行成市，氣勢好勁下，於是就同屋企人去試下。目標清晰，嚟得食佢，緊係叫佢個招牌養生鍋湯底啦。佢地個養生鍋係用火腿、雞、豬肉肴製，仲加咗人蔘、鴨血、千層凍豆腐、紅棗、龍眼乾、…總之一上檯睇見個湯底好豐富。我習慣係湯濃時先飲一啖湯試下原味，用有蔘味嘅沙底嚟打邊爐真係第一次，真係貴氣返晒嚟呀。 我哋叫咗羊肉片、極上雪花肥牛、黑松露蝦丸、響鈴、餃子拼盤、鴨血、凍豆腐、炸午餐肉、烏冬。羊肉、肥牛都好新鮮。但我想推介黑松露蝦丸，又香又彈牙。 另外都推介餃子拼盤，因為啲餃子都好大粒好飽滿，魚皮餃好好味，韭菜餃簡直係一咬即刻爆曬d韭菜出嚟。飲品方面，我地叫咗1樽杞子菊花圓玉露，都幾清甜。今次4個人一齊養生，埋單1200左右。