影片
更多
2021-06-12
389 瀏覽
今日約咗朋友去銅鑼灣食lunch，難得大家都放假一於去酒樓食吓點心嘆吓茶。友人推薦利舞臺一間酒樓，佢話呢度嘅點心好好食，我晚市時候嚟過一次，中午嚟飲茶就係第一次！呢間酒樓嘅設計非常貴麗典雅，相信係專為擺酒而設嘅婚宴式酒樓。午市時間呢度坐滿人非常熱鬧，有部分人叫餸食飯亦有人食點心。蟹子燒賣王：豬肉同肥豬肉嘅比例剛剛好，所以食落係香軟彈牙，而唔係死實實嘅口感。點埋秘製辣椒油食真係超好味！松茸野菌翡翠粉果：呢度嘅粉果同出邊嘅完全唔同，餡料係炒香過嘅切粒野菌而且係冇花生嘅，味道好香好特別。璧玉鮮蝦腸粉：每一小塊裏面都包住一粒大大隻晶瑩剔透嘅蝦同埋翠玉瓜，腸粉粉皮煙韌而且晶瑩通透，賣相、味道同口感都一流。和風長春卷：同出邊嘅炸春卷唔同，呢度嘅春卷裏面包着嘅係Wasabi味嘅沙律醬，除此之外就冇其他餡料。春卷十分香脆有可口。胡椒濃雞湯灌湯餃：灌湯餃製作需時等咗好耐先上枱，但美食係值得等待嘅！香濃嘅雞湯浸住一隻巨型餃子，餃子裏面嘅餡料包括豬肉同埋大菜，食落好似棉花咁軟綿綿好特別。個湯仲加入左杞子一齊煮，美味又養生。砂鍋章魚雞粒炒飯：炒飯粒粒分明而且炒得非常有鑊氣，惟雞粒同章魚嘅份量較少，如果多番啲餸
蟹子燒賣王：豬肉同肥豬肉嘅比例剛剛好，所以食落係香軟彈牙，而唔係死實實嘅口感。點埋秘製辣椒油食真係超好味！松茸野菌翡翠粉果：呢度嘅粉果同出邊嘅完全唔同，餡料係炒香過嘅切粒野菌而且係冇花生嘅，味道好香好特別。
璧玉鮮蝦腸粉：每一小塊裏面都包住一粒大大隻晶瑩剔透嘅蝦同埋翠玉瓜，腸粉粉皮煙韌而且晶瑩通透，賣相、味道同口感都一流。
和風長春卷：同出邊嘅炸春卷唔同，呢度嘅春卷裏面包着嘅係Wasabi味嘅沙律醬，除此之外就冇其他餡料。春卷十分香脆有可口。
胡椒濃雞湯灌湯餃：灌湯餃製作需時等咗好耐先上枱，但美食係值得等待嘅！香濃嘅雞湯浸住一隻巨型餃子，餃子裏面嘅餡料包括豬肉同埋大菜，食落好似棉花咁軟綿綿好特別。個湯仲加入左杞子一齊煮，美味又養生。
砂鍋章魚雞粒炒飯：炒飯粒粒分明而且炒得非常有鑊氣，惟雞粒同章魚嘅份量較少，如果多番啲餸料會更好！整體來講呢度嘅點心水準都係水平以上，而價錢就屬於中高價。間唔中想約朋友嚟嘆吓茶食吓點心，呢度都係唔錯嘅選擇！😎
張貼
