燒蝦蝦 (興泰大廈) (已結業)

一入座職員就同我哋講解點樣捉流水蝦、點樣燒烤最快最好食、調味食物飲品擺放嘅位置⋯⋯整體職員服務都好貼心，態度友善主動👍🏻提醒大家夾蝦嘅時候要快、狠、準呀！因為啲蝦扎扎跳，一個唔覺意就會甩手😂 捉到之後就要擺佢喺冰桶裡面，冰鎮佢一陣先夾去燒，咁樣做係為咗等佢啲蝦肉結實同埋彈牙啲。蝦肉🦐好紮實，十分鮮甜，大滿足！佢哋仲有得自己揀自己鍾意食嘅海鮮，竟然有超多種類款式任君選擇。作為一個精明消費者，梗係要拎返夠本啦🥳 任食蠔會唔會太幸福？蠔🦪：口感嫩滑，帶海水味，正！我哋另外仲拎咗啲肉類，雞翼🍗：唔老唔柴豬仔髀🐖：肉質鬆軟👏🏻牛仔骨🥩：肉汁香濃，冇得彈！呢度通風系統做得好好，抽氣超長夠勁，返到屋企都冇好大陣油煙味👍🏻