海南少爺 (已結業)

每次行完兒童大型玩具店之後 都會經過海南少爺 難得今次有位即時入去試一試 (經常滿座!) 呢間餐廳環境好正 可以食住美食邊歎埋維港景色 吾怪得甘受歡迎! 餐廳每枱都會遞上一壺荔枝紅茶 茶既味道好香仲帶有一絲果甜味, 好醒胃!海南雞飯拼馬來西亞肉骨茶岩哂貪心而胃又細既我地 一次過試哂兩樣招牌菜!加左$8 轉成雞脾肉 雞皮好爽滑無肥膏!好夠雞味 拆哂骨啖啖肉真係滑嘟嘟! 跟餐配既雞油飯熱辣辣好香而沒有油膩感 成碗食哂!!!肉骨茶滿有藥材味 感覺好滋補 飲完成身暖左! 好多湯料排骨好正!菠蘿蜜山渣糖醋肉排肉排軟嫩多汁 加入菠蘿 三色椒 山渣豐富又開胃!星洲蠔餅粉漿控制適宜 蛋多炸粉少 吾會炸到硬崩崩勁熱氣!蠔仔都好大粒好鮮甜!最後叫埋個甜品 – 新加坡蕃薯喳喳 大大碗入面有齊芋頭蕃薯芋圓西米綠豆粉條 味道非常有驚喜 吾會好甜 奶香又滋潤!總結: 餐廳性價比高 已約友人入冬後來食肉骨茶補身!!!!!