泰巷 (已結業)

星期日，睡醒，竟然仍是早餐時間，而且仲係有大把時間。所以話我真係犯賤，有得瞓又瞓唔著，返工又唔想起身。跟老豆來到荃新天地食早餐，這家Grand Avenue Thai Café，雖是賣泰菜的地方，不過早上，是有早餐常餐供應的。我同老豆都要了歐陸早餐，我的選擇係吉列魚柳、太陽蛋、焗豆和燕厚多士，魚柳至少是熱呼呼，沾上千島醬，還好。對炒蛋沒信心，要兩隻蛋黃搖搖欲墜的太陽蛋更吸引。除了以牛油塗厚多士，我亦會把焗豆連同多士一起吃。老豆的跟我大同小異，內容為吉列豬扒、炒蛋、焗豆，同埋燕麥厚多士。相同的我不再重覆。試了少許炒蛋和吉豬，前者果然炒得過了火，我要太陽蛋是明智之選。吉列豬扒一點味道也沒有，同浮要點千島醬，幸好熱度仍是十足。喝一杯即磨咖啡，醒醒神，為充實的假期，作好準備。