影片
更多
2022-06-23
151 瀏覽
今晚去咗勁多好嘢食嘅駱駝漆大廈揾食，大鄉里第一次試無火串燒放題，超級興奮，好想感受下唔洗點郁就有得食嘅感覺！因為預早book定枱，所以準時去到就入得唔洗點等。舖頭入面大概有廿幾張枱，有卡位同矮沙發位，幾寬敞同乾淨，如果人比較多仲可以有大長枱或者VIP房！每枱獨立一個轉轉爐，枱面放左比客人放不鏽鋼燒烤串嘅筒、紙巾、牙籤以及三款調味粉，如果需要其他醬汁同用具可以去自助區拎。肉類、海鮮同蔬菜要自己出去夾，基本嘅雞牛豬都有，有已調味同部分未調味版，另外仲有帆立貝、蝦、蜆、丸類、菇類、菠蘿、法包、棉花糖等等。其中嘅自家醬汁醃製叉燒幾正，有少少芝麻係面頭，燒完之後外皮甜甜地，咬落外脆內軟！自助區仲有唔少冷盤、熱盤同小食。冷盤有凍蝦、青口、自選沙律、沙律酥盒等，個人最鍾意麻醬拌茄子同涼拌青瓜，惹味又清爽！熱食有各款炸物、燒蠔、湯，最特別係居然有迷你海南雞飯同蝦片，油飯同雞都幾有心！甜品同飲品同樣係行自助形式，飲品包括各類汽水、涼茶等等，甜品就有迷你切餅、馬卡龍、雪條、雪糕，多到講唔哂！壓軸登場嘅係芝士焗龍蝦同鮑魚，提早訂枱就會送，龍蝦肉幾彈牙，鮑魚就要自己再放上網燒，食落好鮮甜！晚市黃金時段120分
因為預早book定枱，所以準時去到就入得唔洗點等。舖頭入面大概有廿幾張枱，有卡位同矮沙發位，幾寬敞同乾淨，如果人比較多仲可以有大長枱或者VIP房！
每枱獨立一個轉轉爐，枱面放左比客人放不鏽鋼燒烤串嘅筒、紙巾、牙籤以及三款調味粉，如果需要其他醬汁同用具可以去自助區拎。
肉類、海鮮同蔬菜要自己出去夾，基本嘅雞牛豬都有，有已調味同部分未調味版，另外仲有帆立貝、蝦、蜆、丸類、菇類、菠蘿、法包、棉花糖等等。其中嘅自家醬汁醃製叉燒幾正，有少少芝麻係面頭，燒完之後外皮甜甜地，咬落外脆內軟！
自助區仲有唔少冷盤、熱盤同小食。冷盤有凍蝦、青口、自選沙律、沙律酥盒等，個人最鍾意麻醬拌茄子同涼拌青瓜，惹味又清爽！熱食有各款炸物、燒蠔、湯，最特別係居然有迷你海南雞飯同蝦片，油飯同雞都幾有心！
甜品同飲品同樣係行自助形式，飲品包括各類汽水、涼茶等等，甜品就有迷你切餅、馬卡龍、雪條、雪糕，多到講唔哂！
壓軸登場嘅係芝士焗龍蝦同鮑魚，提早訂枱就會送，龍蝦肉幾彈牙，鮑魚就要自己再放上網燒，食落好鮮甜！
晚市黃金時段120分鐘放題每位成人 $238 加一，呢個價錢試吓食無火轉轉串燒放題，成班朋友一齊嚟唔洗自己起爐叉嘢食，唔洗煩舒服又開心！
張貼
