Little Prince

營業中

休息中

上次食完個下午茶都覺得幾好食，今日經過唔知食咩好，又無意中行咗入去呢一度啦，今次試佢個忌廉意粉，性價比來講唔算太高，因為$60一碟意粉來講，佢嘅份量其實算係偏小嘅，如果以佢嘅地理位置來講呢，附近會比較多工廠嘅男人食份量應該就唔多夠，不過都見到好多人嗌佢嘅蕃茄意粉，相信都係質素保證。我今次叫嘅忌廉意粉質量爆燈，雖然意粉數量唔係特別多，但係佢嘅忌廉汁非常香濃，食得出係落咗幾多料嘅，雞肉都唔少，每一啖嘅材料比例都算係偏多，所以性價比都可以俾佢拉高少少啦！短時間內嚟咗呢間Cafe兩次，兩次嘅經驗都覺得唔錯，有機會會再嚟試吓其他蕃茄意粉，因為真係見到好多人叫呀。