餃子園 (已結業)

去完中央圖書館讀書, 行回家途中有點肚餓, 路過這裡, 見未吃過, 店內也有幾個人, 好歹一試。叫得餃子園當然要吃餃啦, 問阿姐說一碟 10 隻, 多心的我多口問可否雙併, 阿姐話得, 不過加 $1, 無問題。於是我就要了一半京蔥羊肉餃 (原價 $31) + 一半鮮肉西洋菜餃 (原價 $28)， 雙併計較貴那款。餃子不出三數分鐘便送上, 看樣子還算 OK, 咬落餃皮不算厚但是硬, 怕且都是放了好一陣子, 甚至雪過才煮的。京蔥羊肉餃的羊肉餡夠羶香, 尚算對辦, 鮮肉西洋菜餃裡的西洋菜可能是未當造, 有點點苦澀味, 反而令食味幾得意。可能我真係幾餓, 又食得哂喎。見隔離兩枱的食客都吃麵, 可能麵會好一點吧。平日午飯時間都不少學生來吃的, 之不過食味一般又不是特別便宜, 行過食下就好, 特地來就不必了。