影片
更多
2020-04-19
558 瀏覽
我地喺淘大落嚟去去 都諗唔到食乜最後決定行多五分鐘上去呢間健康有心黃店話你知，行呢5分鐘 絕對值！！！因爲始終行左條樓梯 相對少左人上嚟 大家 真係走寶啦地方夠大 入到去環境好舒服啲枱架得好疏 傾計坐下都會好安心 當晚我哋坐得近咖啡機 係會比較嘈但其他位或者近門口嘅位置其實相對安靜多入到去 都未正式睇menu店員就已經拎咗兩碗湯畀我哋飲...一飲係冇味精嘅～～ 已經令我好安心睇menu叫嘢食啦呢度主打啲經濟健康小菜健康得嚟 但係保持到美味道真係食多幾嚿都唔怕肥呀 雞柳炒四季豆欖角好香個汁調得好好味 送飯一流 我唔鍾意食飯…都爬曬成碗飯驚喜唔算好大但諗落 街店食到健康小菜已經好好食完 真係冇口喝咖～～ 怒爆雞中翼知呢個好出名，見幾枱都有叫就知係必食推介佢炸得個炸皮唔厚係避風塘辣味嚟 好香好正！而個肉質唔會un, 仲keep到滑身！宜家諗起都想再食 haha諗落食tea去叫返碟都夠做～Matcha Latte好好飲 呢個真係要叫熱嘅先嗒到！店員仲請其中一位沖matcha latte特别叻嘅女仔負責沖～一上枱 係幸福感呀冇諗到食中菜 可以飲埋matcha latte仲要！有好可愛嘅三眼仔樣
最後決定行多五分鐘
上去呢間健康有心黃店
話你知，行呢5分鐘 絕對值！！！
因爲始終行左條樓梯
相對少左人上嚟 大家 真係走寶啦
地方夠大 入到去環境好舒服
啲枱架得好疏
傾計坐下都會好安心
當晚我哋坐得近咖啡機 係會比較嘈
但其他位或者近門口嘅位置
其實相對安靜多
入到去 都未正式睇menu
店員就已經拎咗兩碗湯畀我哋飲...
一飲係冇味精嘅～～
已經令我好安心睇menu叫嘢食啦
呢度主打啲經濟健康小菜
健康得嚟 但係保持到美味道
真係食多幾嚿都唔怕肥呀
雞柳炒四季豆
欖角好香
個汁調得好好味 送飯一流
我唔鍾意食飯…都爬曬成碗飯
驚喜唔算好大
但諗落 街店食到健康小菜已經好好
食完 真係冇口喝咖～～
怒爆雞中翼
知呢個好出名，見幾枱都有叫
就知係必食推介
佢炸得個炸皮唔厚
係避風塘辣味嚟 好香好正！
而個肉質唔會un, 仲keep到滑身！
宜家諗起都想再食 haha
諗落食tea去叫返碟都夠做～
Matcha Latte
好好飲 呢個真係要叫熱嘅先嗒到！
店員仲請其中一位沖matcha latte特别叻嘅女仔負責沖～
一上枱 係幸福感呀
冇諗到食中菜 可以飲埋matcha latte
仲要！有好可愛嘅三眼仔樣！
係呀！ 呢間舖其中一個賣點係…
你可以食住中菜 嗒優質嘅咖啡
所謂優質 並唔係用啲粉沖出嚟嗰隻
而係真係有大咖啡機 同咖啡師
即場手沖咖啡～～～
仲見到客人同咖啡先互相交流啲豆同沖法
中菜x咖啡，呢點真係外面好少餐廳做到
整體呢間真係好經濟
$70左右一個小菜 有湯 有飯
唔鍾意小菜嘅 仲有啲炒飯麵揀
仲要都係五六十零蚊都做到
同樣半百價錢 但相信其他茶餐廳就唔會做到呢個健康口味
仲加埋可以飲埋杯咖啡！
環境舒服 店員友善
仲要係有心請抗爭者嘅黄店
我覺得呢間真係冇得挑剔啦
(如果真係要挑剔 就係啲店員有時傾計比較大聲 要店長提一提佢哋)
ps. 當日見到好多人嚟拎
預先定咗嘅 手足鳳凰卷 杏仁餅
據講非常好食
我下次都一定要買返盒試下
怒爆雞中翼
56 瀏覽
0 讚好
0 留言
148 瀏覽
1 讚好
0 留言
張貼
