五要素食堂 (已結業)

今日黎開the one, 見到有間餐廳個名幾得意，叫五元素食堂，裝修又係工業風，就入去試下。餐廳用手機自助落單，操作都方便。除咗手機版店員同時都會提供實體餐牌。叫咗多數人推介既美國和牛丼，午餐價只係$78，好抵！呢個價錢係包埋日式洋蔥湯同埋薯仔沙律，洋蔥湯既洋蔥好淋好甜，超好飲～薯仔沙律既薯蓉都幾幼滑，跟餐沙律黎講可以話係水準以上！主角和牛丼都幾有驚喜，呢個價錢本身你都唔會期望太多，但佢既口感都對得住和牛兩個字，有入口即融既感覺；加上佢有好多芝麻菜，啲珍珠米亦加入咗好香味既燒牛肉汁，推介推介～另外我地叫咗個蟹蝦特製醬薄餅，坦白講佢熱辣辣焗起拎過黎係好好食既，蟹肉撈埋個芝士好惹味，但揸住佢食會食到成手都係肥，有啲論盡！同埋每一啖咬落去都見到啲油流出黎，真心邪惡🙈除非你完全唔care自己既健康，如果唔係我會建議你揀其他pizza喇，畢竟佢個餅底係做得唔差既～最後加咗巴馬臣蒜牛油雞翼同煎茶香蕉焦糖批，前者好香芝士味，雞翼本身亦juicy，後者口感好創新，爽爽地又淋淋地，以焦糖批黎講唔算甜。