影片
更多
2022-11-29
379 瀏覽
呢晚要開夜，日日返工返到燥😣，好大壓力，每日最放鬆嘅活動就係食好西。之前食晏已經留意到K11對面開咗間壽司店叫「鮨瀛海」。雖然壽司店只做外賣🥡，不過製作過程認真，即叫即整，所以等候時間稍長。我目測質素好似唔錯，就嗌好少少試吓。飛機直送12貫壽司($208)，🍣壽司款式由師傅發辦，即係好似Omakase咁。難得嘅係取餐時師傅會逐件介紹，咁起碼知自己食緊乜魚🐟，因為偏門嗰啲真係唔太識。壽司賣相似模似樣，不比堂食店失色。壽司款式由左邊數起📍，上排分別係油甘魚、平政魚、中拖羅腩、深海池魚、劍魚腩同白玉貝；而下排就有羽太、目仁奈、左口魚邊、鯖魚、鮫鰈同鉬鯛，有部份款式係餐牌上無㗎！12貫真係好豐富，我食到第十件都已經飽咗🙈，而且每一件都有水準，用料上乘。壽司醋飯亦唔鬆散，酸度適中。我唯一唔鍾意就係鯖魚，味道太濃。我最鍾意嘅三款包括😋：1️⃣中拖羅腩，拖羅超正，口感好綿，又無乜筋。2️⃣左口魚邊，魚片經炙燒，魚油香滿溢。3️⃣白玉貝，佢有啲似北寄貝，但更爽口鮮味。題外話，店員仲介紹就連醬油都係由佢哋自家調製再入樽㗎，好有誠意👍。廚師發辦Set當然就貴啲，但其實餐牌上仲有好多選擇，而且午餐就直頭五十幾蚊有交易😛
呢晚要開夜，日日返工返到燥😣，好大壓力，每日最放鬆嘅活動就係食好西。之前食晏已經留意到K11對面開咗間壽司店叫「鮨瀛海」。
雖然壽司店只做外賣🥡，不過製作過程認真，即叫即整，所以等候時間稍長。我目測質素好似唔錯，就嗌好少少試吓。
飛機直送12貫壽司($208)，🍣壽司款式由師傅發辦，即係好似Omakase咁。難得嘅係取餐時師傅會逐件介紹，咁起碼知自己食緊乜魚🐟，因為偏門嗰啲真係唔太識。壽司賣相似模似樣，不比堂食店失色。
壽司款式由左邊數起📍，上排分別係油甘魚、平政魚、中拖羅腩、深海池魚、劍魚腩同白玉貝；而下排就有羽太、目仁奈、左口魚邊、鯖魚、鮫鰈同鉬鯛，有部份款式係餐牌上無㗎！12貫真係好豐富，我食到第十件都已經飽咗🙈，而且每一件都有水準，用料上乘。壽司醋飯亦唔鬆散，酸度適中。我唯一唔鍾意就係鯖魚，味道太濃。
我最鍾意嘅三款包括😋：1️⃣中拖羅腩，拖羅超正，口感好綿，又無乜筋。
2️⃣左口魚邊，魚片經炙燒，魚油香滿溢。
3️⃣白玉貝，佢有啲似北寄貝，但更爽口鮮味。
題外話，店員仲介紹就連醬油都係由佢哋自家調製再入樽㗎，好有誠意👍。
廚師發辦Set當然就貴啲，但其實餐牌上仲有好多選擇，而且午餐就直頭五十幾蚊有交易😛。
總括嚟講，呢間外賣壽司店幾高質，希望可以一直保持落去。食完12貫令我好滿足，回復體力💪。近嚟世界杯如果想買啲嘢返去食住睇波⚽️，唔一定要去Donki，可以考慮呢度啊！
張貼
