十三少 (已結業)

香港都有得食酸菜魚水煮魚喇😻唔使返大陸食✌🏻好耐無返過大陸了，亦都無興趣再返住，但我其實好掛住返深圳食到嘅美食🙊。酸菜魚我都係返大陸先第一次食，但比較下，我都係覺得水煮魚好食啲，因為我唔太鍾意陣酸味。今日行經十三少，之前喺大角咀食過都幾好。但我今日係自己一個人黎挑戰💪，諗返起都覺得顛lol。喺🌶辣椒海嘅包圍下，我努力夾出魚肉，魚肉鮮甜，嫩滑。雖然份量好多(我係叫左細Size)，但食下食下唔使好耐都食得哂，加上魚肉唔係飽肚野，一個人KO佢其實無難度🙈。我同時叫咗一個涼拌土豆絲，一凍一熱食，幾爽。土豆絲切得好幼身，好考刀功啊！我無諗過自己會心血來潮一個人都黎食，不過都係一個好體驗，食物質素令人滿意😌。我以後喺香港都可以食水煮魚喇，唔使去大陸囉。