影片
更多
2022-04-09
1051 瀏覽
呢間小店我已經想去好耐，由一開始喺旺角開業嘅時候已經盯實咗佢，可惜旺角店上年結業。到咗近排就登陸荔枝角，就黎個“新店”報導啦。其實新店開業無耐就因疫情而停業，係呢個禮拜先再開返。咁都唔出奇嘅，中哂嘅人呢個禮拜就出返哂黎...没事兒！黑布小巷現時仲有葵芳掃街店同北角便當店。餐廳由三個90後主理，疫情之前，佢哋已經去過N次台灣。佢哋成日幫櫬當地嘅「阿姨」舊式早餐店，心諗香港又冇呢類嘅早餐店菜式，於是就帶咗返黎香港，19年開業，同時又撐住港人共渡難關。 其實話佢係早餐店又唔算係，佢又冇開早市，但當佢係台式食堂就更好。荔枝角新店位置較寬敞，但有一半嘅枱都冇用到。格局就好樸實，就係飯堂look，乾淨潔白嘅飯堂look。 落單就用手機落order，有得綁定信用卡而線上付款。食物方面有最出名嘅豬肉蛋吐司，更有新店先有嘅雞扒蛋吐司。仲有滷肉飯，花枝丸之類嘅小食，自家製芋圓糖水同冷泡茶等。(葵廣店都有滷肉飯/芋圓/吐司，北角店就有多款便當但冇吐司而係外賣店。) 慢烤雞腿芝士蛋吐司$53 店員有講話所有食物都即叫即製，上枱時成tray連甜品飲品上，咁樣就已經加咗唔少分。再加上又有提供手套，令你唔洗食到成手
黑布小巷現時仲有葵芳掃街店同北角便當店。餐廳由三個90後主理，疫情之前，佢哋已經去過N次台灣。佢哋成日幫櫬當地嘅「阿姨」舊式早餐店，心諗香港又冇呢類嘅早餐店菜式，於是就帶咗返黎香港，19年開業，同時又撐住港人共渡難關。
其實話佢係早餐店又唔算係，佢又冇開早市，但當佢係台式食堂就更好。荔枝角新店位置較寬敞，但有一半嘅枱都冇用到。格局就好樸實，就係飯堂look，乾淨潔白嘅飯堂look。
落單就用手機落order，有得綁定信用卡而線上付款。食物方面有最出名嘅豬肉蛋吐司，更有新店先有嘅雞扒蛋吐司。仲有滷肉飯，花枝丸之類嘅小食，自家製芋圓糖水同冷泡茶等。
(葵廣店都有滷肉飯/芋圓/吐司，北角店就有多款便當但冇吐司而係外賣店。)
慢烤雞腿芝士蛋吐司$53
慢烤雞腿芝士蛋吐司
$53
236 瀏覽
1 讚好
0 留言
店員有講話所有食物都即叫即製，上枱時成tray連甜品飲品上，咁樣就已經加咗唔少分。再加上又有提供手套，令你唔洗食到成手都係，又或至少有個tray墊底，就唔洗整到個枱一塌糊塗。性價比就唔錯，見到佢有幾多料都心滿意足，但又冇想像中咁飽。
慢烤雞腿芝士蛋吐司
$53
67 瀏覽
0 讚好
0 留言
雞腿佢切開咗一舊舊，見到佢非常白滑。外層有焦香咗嘅顏色，肉質爽彈嬌嫩，明顯有醃料醬油等濃厚嘅調味，呢part有驚喜，又可能有人會嫌佢太咸/蓋過肉味。
雞蛋方面，佢唔係台式早餐店嘅多層次(玉子燒式)蛋，而係半熟流心蛋，師傅咁啱切正有蛋黃嗰個位，成個toast都沾滿蛋液(唔怪得要帶手套🤣)，蛋白就簡單用黑椒調味。
慢烤雞腿芝士蛋吐司
$53
43 瀏覽
0 讚好
0 留言
芝士真係有D過份lor，背面全都係熱溶後嘅黃金，更可以用手拎起塊熱溶芝士感受佢嘅香氣。麵包有一定嘅厚度，外層微烘脆，食落唔係空氣包嗰款。食食吓發現有陣蜜糖嘅甜味，原來中間係搽咗層秘製醬汁，但我就食到只係蜜糖。
凍頂烏龍茶$28(跟吐司+$3 only)
凍頂烏龍茶
$28
36 瀏覽
0 讚好
0 留言
杯上寫上飲品經過八小時嘅冷泡而成，不含防腐劑。飲落一開頭冇乜味，但飲多一兩啖就有香濃嘅茶味，微帶回甘。
黑糖紅棗薑三色圓$38
黑糖紅棗薑三色圓
$38
24 瀏覽
0 讚好
0 留言
一上枱望到只係一片啡水，但其實d料潛哂底。糖水嘅黑糖味後韻強，帶有紅棗如蜂蜜般嘅甜美同一丁點嘅薑味，仲有多個紅棗肉。三色圓就當然係蕃薯/芋頭同紫薯。形狀呈正方體，有數多舊都痴埋一齊，呢點要改進一吓。
黑糖紅棗薑三色圓
$38
17 瀏覽
0 讚好
0 留言
質感係我鐘意嘅唔太煙韌而內裏冇粉粉嘅口感，而且三種味道都各有各本身嘅原材料味。芋頭明顯有D沙沙地嘅芋頭泥口感。但缺點就真係少咗D lor，三兩吓就食完，唔適合share。
張貼
