韭菜煎餃半打 $40 + 粟米煎餃半打 $43
餃子SIZE唔算大，望落亦唔飽滿；餃皮無印象中咁厚；
煎得唔太靚仔，食落完全唔脆口之餘，油感仲要好高😥。
兩款餃子中，個人比較中意粟米餃，貪佢多左粟米嘅爽脆感同甜度。豬肉剁得好碎，食落就係一舊好軟、好滑、無口感嘅肉碎。
豬扒上海粗炒 $49
呢個粗炒賣相唔錯，豉油色好深，感覺應該幾有鑊氣~
但原來得個樣😂麵條完全無味…😂
豬扒雖然好薄，但個味唔錯，亦因為薄，所以唔韌。
餐廳最好味係個橙色辣醬，本身仲以為係辣豆瓣，但完全唔係果回事!! 撈佢落個無味嘅粗炒，增添蒜香，即刻生色不少!!
雖然食物一般，但職員幾有人情味。
3
24
34
