影片
更多
2011-10-11
95 瀏覽
6月22日, 平時食得多峰, 今晚想食第二間嘅迴轉壽司~ 行過sogo附近, 見到一條長電梯直達板長, 好似想叫我地去啦去啦咁, 就俾呢股氣吸住咗~::: 三文魚壽司 x 2 ::: $6@我地一貫習慣, 先叫個三文魚壽司~ 雖然長度同心思都唔夠峰, 但係佢勝在夠厚肉, 好肥美, 冇筋, 都好好味~::: 油甘魚腩壽司 ::: $13油甘魚腩都同樣地肥美, 好香魚味, 刀工細緻, 整出嚟好工整~ 味道就正常油甘魚味, 多咗份腩嘅油嫩口感~::: 蟹棒壽司 ::: $9蟹棒壽司比較遜色, 蟹柳普通咗d, 有少少雪藏味, 份量亦都細咗d.::: 蝦天婦羅壽司 ::: $9呢款壽司比天婦羅卷好在唔會比d飯焗住, 以致天婦羅皮淋晒. 呢隻蝦天婦羅就食得出乾身同脆口外層, 加埋咖哩粉, 唔點豉油都已經夠惹味~::: 軟殼蟹卷 ::: $28問題就同天婦羅卷一樣, 軟殼蟹食落都有肉, 肉地都叫豐富, 但係就唔太食得出炸軟殼蟹嗰種香脆, 只當普通蟹肉壽司就ok.::: 蟹肉蟹膏軍艦 ::: $10蟹膏非常鮮甜, 好能夠帶出蟹肉嘅鮮味, 比起蟹棒同軟殼蟹, 呢個好食好多~::: 蝦膏甜蝦軍艦 :::
::: 三文魚壽司 x 2 ::: $6@
我地一貫習慣, 先叫個三文魚壽司~ 雖然長度同心思都唔夠峰, 但係佢勝在夠厚肉, 好肥美, 冇筋, 都好好味~
::: 油甘魚腩壽司 ::: $13
油甘魚腩都同樣地肥美, 好香魚味, 刀工細緻, 整出嚟好工整~ 味道就正常油甘魚味, 多咗份腩嘅油嫩口感~
::: 蟹棒壽司 ::: $9
蟹棒壽司比較遜色, 蟹柳普通咗d, 有少少雪藏味, 份量亦都細咗d.
::: 蝦天婦羅壽司 ::: $9
呢款壽司比天婦羅卷好在唔會比d飯焗住, 以致天婦羅皮淋晒. 呢隻蝦天婦羅就食得出乾身同脆口外層, 加埋咖哩粉, 唔點豉油都已經夠惹味~
::: 軟殼蟹卷 ::: $28
問題就同天婦羅卷一樣, 軟殼蟹食落都有肉, 肉地都叫豐富, 但係就唔太食得出炸軟殼蟹嗰種香脆, 只當普通蟹肉壽司就ok.
::: 蟹肉蟹膏軍艦 ::: $10
蟹膏非常鮮甜, 好能夠帶出蟹肉嘅鮮味, 比起蟹棒同軟殼蟹, 呢個好食好多~
::: 蝦膏甜蝦軍艦 ::: $12
呢個同蟹肉蟹膏可以相輝映~ 蝦膏無蟹膏咁滑, 但都好甜, 甜蝦略為細隻咗d. 不過整體唔錯~
::: 甜蛋壽司 ::: $6
甜蛋可以話係差中之差. 塊蛋唔係即煎亦都好乾瘦, 好似杯麵裏面嗰d脫水蛋咁, 仲要係凍咗嘅. 一咬落好膠, 紫菜又唔見得新鮮…
::: 帆立貝壽司 x 2 ::: $15@
帆立貝幾新鮮, 有厚度, 整體份量唔算大, 不過啖啖肉都好豐富, 正~
::: 辣味三文魚軍艦 ::: $6
辣味三文魚好普通, 似係出面超市買到嘅質素, 辣味唔夠, 都仲食得出少少三文魚味嘅…
::: 芥末鮑魚軍艦 ::: $9
同樣呢個都係超市質素, 芥末唔太嗆鼻, 而鮑魚實在唔係好食得出佢係鮑魚…
::: 稻燒宮城海鰻 ::: $9
鰻魚肉質新鮮, 不過味道偏淡, 都係鍾意加上濃濃嘅照燒汁~
食咗咁多件, 就大概好壞一半, 魚生方面佢地嘅新鮮度係高嘅~ 而板長同其他迴轉壽司唔同嘅係佢地多以一件為單位, 咁樣就唔駛每樣款式焗住一次過食2件, 可以有多d唔同選擇. 而呢度呢間板長都坐得幾舒服, 坐喺窗邊可以望落街, 都幾悠閒架~
張貼
