牛大人台灣火鍋吃到飽 (加拿芬廣場)

營業中

休息中

同friend嚟牛大人火鍋放題，好彩記得book位，平日都全場full晒😄用餐氣氛好好！難得聚下，梗係食好啲，我哋揀咗澳洲極上和牛set，同第二個價位相比只係差$40，但有和牛喎，平時買都唔平，CP值高！是日有十款湯底，我地order咗阿嫲養生濃湯鍋，湯底有濃濃嘅豬骨味，帶點甘甜。主力食嘅澳洲和牛，薄薄一層，滾大約30秒就食得，肉質鮮嫩多汁，無咩筋，口感十分出色。其他食材我特別愛好牛筋牛肚，牛筋富有嚼勁，牛肚則口感軟嫩。油條都好正，外脆內軟，好吸湯。自助區有魷魚牛柏葉，非常適合喺火鍋中食用。特別推介～必食～好少見嘅台灣水蓮，口感細嫩爽脆，好清新😍我哋order咗好多好多轉！