紅館 (海堤街)

營業中

休息中

今日入開鰂魚涌探朋友，順便食個午餐，地道四川菜，坐滿客人，送羅漢果茶，如果有叫飯，係用金象牌香米，如果自問食得辣呢度就啱晒。重慶開心酸辣粉$66酸辣粉可以揀大中小辣，有花生、榨菜及豬肉粒碎，湯底酸酸辣辣好開胃，啲粉煙銀彈牙。招牌麻辣大波波魚蛋$27（3粒）魚蛋爽口彈牙，超級大粒，一粒嘅份量等於平時食嘅三粒，醬汁少少辣。控油炒手$72（6粒）呢個係店舖推介，我朋友仔食到大汗踏細汗，然後我試咗一啖，真係好辣，皮薄餡靚，裏面嘅蝦好新鮮同彈牙，超級推介食得辣嘅朋友仔。整體而言唔錯，係一個食午餐嘅好地方，好多人排隊食，因為啲嘢食真係好夠麻辣。