少食蠔, 覺得OK好食但唔知有幾好. 個人唔中意個湯底, 以為係広島牡蠣拉麺嗰種蠔出汁味道但唔係, 有啲奇怪, 加咗柚子 (唔知仲有冇其甜酸嘅嘢?) , 味道更加格格不入, 食完又有啲怪怪嘅 after taste.
$128 唔平但絕對交足料, 啲具多到幾乎食唔晒, 五隻肥蠔加溏心蛋已經值回票價, 燒白葱同加咗黑椒嘅肉碎有啲驚喜.
我唔係特別中意係我個人口味問題但碗嘢係有心機兼超值. 仍然會再去海老名食我中意嘅海老味噌つけ麺.
少少意見 - Lunch hour 搞個噉複雜嘅麵令等位等嘢食時間長咗佢又做少咗生意, 横掂唔夠賣點解唔喺兩點後冇噉多客先至賣？
